Manchester United ka marrë fitore të madhe në udhëtim te Athletic Bilbao në kuadër të ndeshjes së parë gjysmëfinale në Ligën e Evropës, 3-0.

Pas vetëm gjashtë minutash lojë, Djajtë e Kuq shënuan nëpërmjet Aljeandro Garnachos, por që u anulua nga VAR-i për pozicion jashtë loje.

Mirëpo, pas gjysmëore lojë, Casemiro pranoi një asistim nga Manuel Ugarte, për të kaluar Unitedin në epërsi.

Pesë minutra më vonë, Viviuan u ndëshkua direkt me karton të kuq, për të lënë Bilbaon me dhjetë lojtarë në fushë dhe një penallti e fituar për mysafirët.

Bruno Fernandes u tregua i saktë nga ;pika e bardhë, për të dyfishuar rezultatin për Unitedin.

Në minutën e 45-të, Bruno Fernandes sërish shënoi, me Manuel Ugarten sërish asistues.

Pjesa e dytë nuk solli gola, por që të dyja skuadrat patën raste të mira shënimi.

Ky rezultat i shkon shumë përshtati Manchester Unitedit, që javën e ardhshme e pret Bilbaon në Old Trafford.